Tungkol sa amin

Ang Mouser Electronics ay isang global factory at authorized distributor ng mga semiconductor at electronic component. Eksperto kami sa mabilis na pagpapakilala ng mga pinakabagong produkto at teknolohiya mula sa mga authorized manufacturer namin. Sa pamamagitan nito, nasusuportahan namin ang mga pinakabagong design pati na ang supply chain ng manufacturing. Itinatag noong 1964, ipinagdiwang kamakailan ng Mouser ang ika-60 anibersaryo nito.

Sa buong mundo, nag-o-operate ang Mouser sa 28 lokasyon. Isinasagawa namin ang aming negosyo sa 23 iba't ibang wika at 34 na currency.

Nakipag-partner ang Mouser sa mahigit 1,200 na manufacturer, na nangunguna sa industriya, para maipakilala ang mga bagong teknolohiya nila. Ang aming global distribution center ay naglalaman ng mahigit isang milyong unique at in-stock na electronic component. Lahat ng ito ay direktang tinatanggap mula sa factory at pagkatapos, direktang ipinapadala sa iyo.

Ang Mouser ang pinakamaaasahang source mo ng mga semiconductor at electronic component. Inaalis nito ang peligrong dulot ng mga broker at ng marketplace sa supply chain mo. Kapag umorder ka sa Mouser, lagi kang makakasiguro na fresh na mga produkto na direktang nangggaling sa factory ang matatanggap mo.

Nasusunod ng Mouser ang pinakamatataas na global standard para sa quality, kasama na rito ang ISO 9001:2015. Ang Kumpanya ay Aerospace certified sa ilalim ng AS6496A, AS9120B, pati na rin ang AS9100D sa Moisture Sensitive Level (MSL) na pag-renew ng mga electronic component. Ang Mouser ay isa ring MIL-Qualified na supplier. Sinusuportahan ng mga produkto namin ang mga application sa ilalim ng karagatan, sa kalawakan, at saanman sa pagitan ng mga ito.

Ginagamit ng global distribution center namin ang pinakabagong automation at state-of-the-art na wireless warehouse management systems, kaya 24/7 kaming nakakapagproseso ng mga order, at nakakapaghatid nang halos walang sablay na pick-and-ship na mga operasyon. Napapanatili namin ang 5-Sigma na confidence rating para sa order accuracy (pagiging tama ng order) na mas higit kaysa sa 99%.

**PANSININ: Bilang matagal nang miyembro ng Electronic Component Industry Association (ECIA) at ECAS, hinihimok ng Mouser ang mga customer na bumili ng mga piyesa sa mga authorized/franchised source lang, dahil mas mataas ang peligro na makakuha ng mga imitasyong piyesa kapag bumili sa mga hindi authorized na source.**